عقد: أيها الشعب العظيم

أنا اليوم اكتشفت أنو قديش الشعب السوري عظيم: كلنا ، ماشالله، مثقفين وعظماء وفنانين عالميين.

كلنا الناس بتركد ورانا لنتوظف.وكل واحد فينا هو المدير بشغلو، أو ما عم ينعطا حقو يكون المدير لأنو المدير هو “الجحش” وهو طبعاً الفهمان.

وكلنا الأوائل أو الفهمانين بالجامعة……

 وفجأة حسيت أنو في خطأ معيّن: أنا شو قعّدني بين أوبة هالفهمانين والعظماء؟ لأنو أنا فعلاً زلمة تافه، قديشني صغير وتافه قدام كل هالأمم.. انا محلّي خطأ هون بهالدولة..

 أنا لازم أطلع لبرات هالبلد، لأنو هونيك ببلاد برّا الناس كلها عادية: متلي تمام. 

 لح اترك هالبلد لهالعظماء. عظّم الله أجركم.

الأوسمة: العامية, سوريين, سورية, عقد, عامي